Sambært javnstøðulógini eigur mismunur ikki at vera gjørdur vegna kyn. Tá talan er um at fáa børn og arbeiða er veruleikin tó tann, at menn og kvinnur ikki altíð hava somu sømdir.
Barsilskipanin tryggjar t.d. kvinnum longri tíð heima hjá barninum enn monnum. Og hugburðurin hjá summum arbeiðsgevarum gevur t.d. monnum fleiri møguleikar í arbeiðinum og harvið m.a. hægri løn enn kvinnur.
Fyri at lýsa støðuna hjá kynunum á arbeiðsmarknaðinum, hava vit savnað ymist tilfar, sum her sæst at lesa.
Partar av javnstøðu-lóggávunum, sum hevur við arbeiðsmarknaðin at gera her heima, í Danmark og Íslandi verða lýstir. Greitt verður frá sømdum í sambandi við barnsburðarfarloyvi í teimum trimum londunum, og frá nøkrum orsøkum til, at lønarmunur er millum kynini.
Fyri at vísa á nýggjar mátar at sameina familju- og arbeiðslív ella útbúgving, hava vit heitt á eitt foreldrapar, sum ikki hevur havt barn sítt á stovni, um at greiða frá, hvussu tey hava skipað seg, og hví.
Strongd er ikki longur bert ein trupulleiki hjá monnum, sum arbeiða nógv. Eisini kvinnur og børn gerast strongd, og hetta verður eisini lýst niðanfyri.
Vónandi kann tilfarið geva íblástur og varpa ljós á ónøktandi viðurskifti. Javnstøða á pappírinum og í verki Hjúnalag við uppvaski Javnstøða er pláss fyri báðum og øllum Fyri vanbýti orsaka at hava átt børn Pápar eru eins góðir til umsorgan sum mammur Rigtige kvinder gider ikke høre mere vrøvl Kvinnur og strongd Børn og strongd Sameining Barsil Lønarmunur |
